HUAWEI WATCH Ultimate 2 登場！150米潛水加獨有水下通訊堅唔堅？同場加映 WATCH D2 星雲藍新色！

今日我哋會同大家介妱兩隻 HUAWEI 嘅新智能手錶，分別係 HUAWEI WATCH Ultimate 2 同埋 HUAWEI WATCH D2 嘅新配色。前者係對標 Apple Watch Ultra 嘅旗艦型號，後者係專注健康檢測嘅智能手錶！

HUAWEI WATCH Ultimate 2

首先我哋睇下呢 HUAWEI WATCH Ultimate 2，佢個樣真係好 Pro，用咗液態金屬做錶殼，再加埋納米技術陶瓷錶圈同藍寶石玻璃，真係好硬淨，就算你攞去做啲極限運動都唔使驚會整花。呢隻錶最勁嘅地方係佢可以潛到 150 米水深，而且仲有聲納水下通訊功能，喺水底 30 米範圍內可以同其他戴住同款錶嘅朋友仔互傳訊息，甚至可以做到 60 米範圍內一鍵 SOS 求救，真係好安全。

除咗潛水，佢嘅定位功能都好強，用咗 HUAWEI 嘅向日葵定位系統，有五星雙頻 GNSS，就算喺啲收得好差嘅地方都可以準確定位。另外佢仲支援 eSIM，可以獨立打電話，又有 AI 通話降噪，就算喺戶外好嘈嘅環境下講電話都好清楚。

賣價資訊

價錢方面，蒼穹黑版本賣港幣 $6,999，而蔚海藍版本就賣港幣 $7,999。而家預訂仲送好多嘢，包括 HUAWEI MatePad 11.5、三個月 HUAWEI Health+ 會員、HUAWEI Care+ 一年延長保養同兩次意外保險，同埋一個 HUAWEI 智能體脂磅，真係好抵玩。

HUAWEI WATCH D2

HUAWEI WATCH D2 出咗隻新色叫星雲藍，個樣好靚仔。呢隻錶主打健康監測，特別係血壓監測功能好全面，除咗可以單次測量之外，仲可以設定時提醒你測量，幫你好好管理自己嘅血壓。新嘅星雲藍配色賣港幣 $2,999。買呢隻錶都有嘢送，包括 HUAWEI Care+ 一年延長保養同兩次意外保險，同埋一個 HUAWEI 智能體脂磅。