HONOR 全新 AI 摺機旗艦 Magic V6 登陸香港 同場加映平板電腦 MagicPad 4 + Honor Watch 6
HONOR 今日正式推出全新一代超纖薄嘅 AI 摺芒手機，同時仲帶黎多款涵蓋平板電腦、智能手錶。最重要嘅價錢，亦即日公佈。
極致輕薄
全新推出嘅旗艦級摺芒手機 HONOR Magic V6 擁有極致纖薄嘅機身，摺疊嗰陣厚度得大約 8.75 mm，開埋之後仲薄到得 4.0 mm，機身重量得大約 219 g，帶黎好似傳統直板手機咁輕巧嘅手感。
喺耐用度方面，手機外屏配備咗 10 倍耐摔嘅 HONOR 黑鑽屏幕，結合納米防刮技術同埋多達 5,600 層嘅氮化矽塗層，大幅提升咗抗磨損能力。內屏就採用 UTG 柔性玻璃，展現幾乎零摺痕嘅細膩視覺效果。內外屏幕分別係 6.52 吋同埋 7.95 吋。機身結構配備咗新一代嘅 HONOR 魯班盾構鋼鉸鏈，採用高達 2,800 MPa 嘅行業頂級抗拉強度材料，配合 AI 輔助嘅仿生緩衝結構。另外，手機仲具備 IP68 同埋 IP69 嘅抗水防塵認證，展現出強悍嘅防護實力。
極致續航
HONOR Magic V6 機身入面裝咗高達 6660 mAh 嘅矽碳負極電池，係目前全港摺疊手機入面最大嘅電池容量，帶黎超強大同持久嘅續航力。喺效能方面，手機採用先進 3 nm 製程嘅 Snapdragon 8 Elite Gen 5 處理器，配備 LPDDR5X RAM 同埋 UFS 4.1 儲存規格。配合全棧 Vulkan 圖像引擎，仲可以喺超大內屏上面順暢運行高負載遊戲嘅 120 FPS 高幀率模式。此外，手機支援 80 W 有線同埋 66 W 無線嘅 HONOR SuperCharge 超級快充，仲有無線反向充電功能。配合自研嘅 HONOR E2 電源管理增強晶片同埋先進嘅 RF 射頻增強技術，全面提升手機能源效率同埋連線嘅穩定性。
升級 AI 體驗
手機用咗全新 MagicOS，帶嚟完整嘅 AI 體驗。入面內置嘅 AI Meeting Agent 專為商務同埋學習場景而設，佢嘅 AI 語音記錄功能可以即時將語音轉做文字，並準確分辨唔同嘅發言者，同時自動生成會議記錄同埋腦圖（Mind Map）。手機仲率先預載咗熱門嘅 AI 助理 Google Gemini，用戶只要用簡單嘅摺疊動作就可以快速召喚佢出黎。用戶可以喺 Gemini Live 對話入面即時分享相機畫面或者屏幕內容黎問問題。喺多工處理方面，手機支援「一摺分屏」同埋「PC 級一屏多工」功能，可以同時順暢運行三個應用程式。另外，透過 HONOR Share 同埋 Quick Share 技術，手機仲可以無縫連接 iPhone、Mac、AirPods 同埋 Apple Watch，實現高效嘅跨生態傳輸同埋協作。
同場加映：HONOR MagicPad 4、HONOR Watch 6
除咗旗艦手機，品牌同日推出咗全新平板電腦 HONOR MagicPad 4，機身得 4.8 mm 厚，重約 450g，配備 12.3 吋 165 Hz OLED 屏幕，搭載 Snapdragon 8 Gen 5 處理器，仲內置咗 IMAX ENHANCED 立體聲八喇叭。專為運動愛好者而設嘅網絡手錶 HONOR Watch 6 亦同步登場，配備咗 980 mAh 電池，續航力長達 35 天（獨立 GPS 模式下可達 42 小時），支援專業足球同羽毛球模式，厚度得 10.8 mm，重 41 g。
賣價
全新 HONOR Magic V6 提供 16 GB + 512 GB 版本（建議零售價 $13999）同埋 16 GB + 1 TB 版本（建議零售價 $ 5699），將會喺 6 月 17 日至 6 月 24 日公開預售，預訂可以享有總值超過 $9000 嘅限定豐富禮遇。平板電腦 HONOR MagicPad 4 建議零售價為 $6899，預訂期間可以優惠價加購配件。智能手錶 HONOR Watch 6 將會喺 6 月下旬開售，運動款同埋皮革款售價分別為 $1799 同埋 $1999。
