SoSIM 推出無合約智能手錶 eSIM 服務

SoSIM 最近有個大搞作，宣佈推出無合約智能手錶 eSIM 服務嘅電訊商。呢個新服務適用於唔同牌子嘅智能手錶，Android 同 iOS 都用到，以後用智能手錶 eSIM 唔一定要用月費上台計劃啦。

月費 $18 就有得用，10 分鐘就搞掂

SoSIM 今次又出大絕，將服務擴展到智能手錶，推出無合約 eSIM。呢個做法可以令用戶唔使簽賣身契，就用到 Apple Watch 或者 Android Watch 嘅 eSIM 服務。SoSIM 智能手錶 eSIM 服務月費最平 $18 就有交易，選擇仲好多。「個人版」、「家庭版」定「附屬卡」任君選擇。開卡仲好簡單，掃個 QR code，最快 10 分鐘就搞掂，快過食個杯麵。

多款方案「梗有一款啱你心水」

「個人版」就啱晒單身貴族，一個月 $18，就可以用智能手錶共享主卡號碼同本地服務。(無錯，係一帶一服務，你當係一個上網 Plan，加$18 有埋 Smart Watch 嘅 eSIM ) 而「家庭版」就係 Apple Watch 專用，首次體驗價 $22，之後月費 $28，一個主卡戶口最多可以開 5 張家庭版 eSIM，每張都有獨立號碼，仲有無限本地數據同通話 (Apple Watch eSIM 計劃)。呢個服務好啱畀小朋友或者老人家用，就算佢哋唔帶電話出街，你都可以隨時打畀佢哋隻 Apple Watch，仲可以即時知道佢哋喺邊，夠晒安心。另外，Android Watch 用戶都有「附屬卡 eSIM」服務，月費都係 $28，一樣有獨立號碼，同主卡共享數據同通話。無論係 Apple Watch 定係 Android Watch 都唔洗簽約嘅 eSIM 服務，真心好。