3 香港大攪 iPhone 18 Pro 系列首發派對！即場上台送限定配件禮盒
Apple 旗艦新機 iPhone 18 Pro 同 iPhone 18 Pro Max 正式喺香港開售，本地電訊商亦隨即展開新一輪出機攻勢。香港四個台，得 3香港 同埋另品牌 3SUPREME 大攪出機 Event。佢地專程喺尖沙咀圓方搞咗個一日限定店首發活動，畀提早訂咗機嘅用家可以 chill 住攞機。
限定店現場體驗同專屬配件禮盒
3 香港 ＋ 3SUPREME 今次將圓方入面一間餐廳變身做一日限定店，邀請早前預訂咗新機嘅客戶到場，一邊食茶點一邊辦理出機手續。為咗答謝首日到場嘅特選客戶，品牌特別送出價值 1,990 港元嘅「3 x inno3C 手機配件尊貴禮盒」，等用家攞到部新機就可以即刻換上全套配件。禮盒入面嘅配件全部針對日常同外遊需要而設，當中包括採用防彈衣及航天常用材料 Kevlar 芳綸製造嘅超薄磁吸保護殼、獲 CCC 同 CE 認證嘅 G5S 安全電芯 5000mAh 磁吸無線充移動電源、外觀已註冊專利嘅 i-45RT 45W GaN 快充旋轉旅行充電器、支援 240W 規格嘅 i-2M240-12 Type-C 磁吸收納線，仲有攞到 Apple Find My 官方認證嘅 i-FP20 追蹤護照套，方便用家周圍飛或者日常返工使用。
上台月費配套同各項出機折扣
喺月費計劃方面，3香港 ＋ 3SUPREME 今次主打可以喺香港同外地共用數據嘅「世界 Plan」以及「世界 Plan（亞太區）」。只要用家選用指定月費同合約期，就可以低至 0 港元機價帶走 iPhone 18 Pro 或者 iPhone 18 Pro Max。
除咗機價優惠之外，現有客戶出機可以減多 500 港元；如果拿舊機出嚟 Trade-in 任何型號，亦可以額外減多 400 港元。購買新機、Apple Watch 或者其他周邊配件嘅用家，可以選擇 36 個月免息分期。另外，指定滙豐信用卡持卡人可享額外 100 港元手機折扣或者 100 港元月費回贈。品牌仲會向指定計劃客戶送出 2 年旅遊保險，以及一套深圳滑雪場門票包來回車票。
管理層親身到場同客互動
喺開售當日，和記電訊控股執行董事及行政總裁何偉榮亦親自去到限定店探班打氣，仲化身做客席店長，親手為支持咗品牌多年嘅熟客黃小姐辦理出機手續。黃小姐當日揀咗全新嘅冰川色 iPhone 18 Pro Max 512GB，佢話發佈會一開完就睇中呢隻新色，所以第一時間喺 3香港 訂機，對今次出機安排同實用嘅配件禮盒都感到十分滿意。
