SmarTone 出新 App「Kids CARE」 幫家長一齊睇住細路成長路
SmarTone 啱啱推出咗一個新 App，專為家長而設，想家長即使日忙夜忙，都可以照顧到細路仔嘅網上世界同生活狀況。
自家研發「Kids CARE」 助你科技管教更輕鬆
SmarTone 最新搞作就係推出自家研發嘅「Kids CARE」App，主打親子管理一站式服務，等家長可以安安心心、輕輕鬆鬆咁陪住細路大。
易用又實用 三大功能貼地幫手
App 操作好簡單，圍繞三樣嘢：保障、培育同建立親子關係。家長可以設定每日用機時間，仲有學習模式同休息時間表，防止細路沉迷上網。唔喺屋企都唔怕，因為可以遠程鎖機，幫手專心讀書或者休息。
睇住上網安全 追蹤位置唔使擔心
有網頁過濾功能，唔想睇咩網站可以一鍵 block。再加埋實時追蹤同 30 日行蹤記錄，知道細路放學去邊，放心晒。仲有上網瀏覽記錄，家長可以知小朋友最近鍾意啲咩話題，親子時間都多啲嘢傾。
支援 iOS + Android 試用有著數
「Kids CARE」支援最多 20 部機，無論你用 iPhone 定 Android 都冇問題。可以邀請屋企人一齊幫手管理，分工合作。SmarTone 客戶而家用可以免費試用三個月，上台或續約更加有六個月免費。
