華為 HUAWEI WATCH ULTIMATE DESIGN 紫金款霸氣登場　紫氣東來奢華感爆燈

華為喺香港推出全新 HUAWEI WATCH ULTIMATE DESIGN 紫金款。今次新錶主打紫金配搭，將傳統矜貴美學同最 update 嘅智能科技玩 crossover。

足料打造　真係金雕玉砌
講到外型，HUAWEI WATCH ULTIMATE DESIGN 紫金款真係無得輸。佢個錶圈用咗業界首創嘅複合稀土紫色陶瓷，燒到 1400°C 咁高溫先整到出嚟，隻紫色勁有層次感。最誇張係上面鑲咗六段由工藝大師人手整嘅 18K 黃金，再加上 24K 純金字符。錶殼用咗非晶鋯合金，加上藍寶石玻璃錶面，硬淨程度拍得住傳統名錶。條錶帶都唔惹少，用咗 TC4 航天級鈦合金，又有紫色又有 24K 鍍金，成隻錶上手既有手感又夠 Grand。

上山下海　功能屈機
呢隻錶唔係得個樣，功能一樣咁硬淨。佢支援 150 米潛水，仲有聲納水下通訊，潛水嗰陣可以同朋友互相 send 訊息，甚至轉發 SOS 求救訊號，安全系數大大提升。打 Golf 嘅朋友更加會鍾意，佢包咗全球成 17,000 個球場地圖，有 3D 圖睇又有 AI 幫手比意見，儼如請咗個私人球僮。加上 HUAWEI 向日葵定位系統，雙頻五星定位夠晒準，去戶外探險就唔怕迷路啦。

貼心管家　健康生活一手包辦
生活咁忙，健康最重要。呢隻錶支援 eSIM 獨立通訊，唔帶電話都可以打電話、聽歌。佢個 HUAWEI TruSense 系統勁細心，60 秒就幫你做個微體檢，睇晒 10 幾項數據。最特別係佢連情緒都 Check 到，分到 12 種情緒狀態，個錶面啲花仲會跟住你心情開花，勁治癒！再加埋睡眠監測、血氧心率呢啲基本嘢，健康功能都好齊。

開賣資訊
HUAWEI WATCH ULTIMATE DESIGN 紫金款賣街價係港幣 $26,888。而家買行貨仲有著數，送 HUAWEI Scale 3 智能體脂磅、三個月 HUAWEI Health+ 會員，仲有 HUAWEI Care+（包 1 年延長保養同 2 次意外保險）。