【強強聯手】HONMA × HUAWEI WATCH GT 6 Pro 登場　有姿勢又有實際嘅高球神器

華為宣佈同日本老字號高爾夫球品牌 HONMA 玩 Crossover，推出全新HONMA × HUAWEI WATCH GT 6 Pro。呢款手錶唔單止係科技產品，更加係身份象徵，將日本匠人嘅工藝同華為嘅黑科技二合為一，有姿勢又有實際。

黑金設計夠豪氣　細節位做到足
講到外型，呢隻錶真係好特别。佢用咗黑金配色，個立體錶圈金光閃閃，上面仲刻埋 HONMA 個 Logo，加上航天級鈦合金錶身同納米微晶陶瓷後殼，戴上手既輕身又舒服。最正係佢有兩個專屬錶盤，「松葉錶盤」同「BERES 7S 錶盤」，連秒針都整成高爾夫球桿個樣，真係細緻到極。個芒仲有成 3000 nits 亮度，就算太陽幾猛都睇得清清楚楚，唔怕反光睇唔到數據。

私人球僮隨身帶　落場打波如虎添翼
對於鍾意打 Golf 嘅朋友嚟講，呢隻錶簡直係神隊友。佢內置全球超過 17,000 個球場地圖，靠個 HUAWEI 向日葵天線系統，定位準到無朋友。最實用係佢有智能測距同坡度補償功能，遇到高低起伏嘅地形都識幫你計返實際要打幾遠。去到果嶺，佢仲識睇坡度走向，甚至根據你平時嘅數據建議你用邊支桿，就好似有個私人球僮貼身服侍咁，幫你每一桿都發揮到極致。

電量長氣兼顧健康　早買早享受
功能咁勁，電量都唔輸蝕，續航力長達 21 日，由練習場打到正式比賽都唔怕無電。除咗打波，佢仲支援過百種運動同埋全新 HUAWEI TruSense 玄璣感知系統，連情緒健康都幫你及時 Mon 住。HONMA × HUAWEI WATCH GT 6 Pro 建議零售價係港幣 $2,888，而家買行貨仲送 HUAWEI Scale 3 智能體脂磅（價值 $199）。