和記電訊 (3 香港) 宣佈搞掂錦上路段網絡 + 太子站 5G 同步升級
香港人分秒必爭，搭車嗰陣上網最怕窒吓窒吓。和記電訊 (3 香港) 早前佢哋宣佈針對港鐵網絡部份路段嘅提升工程，日前終於大功告成，等各位乘客可以享受到「路路暢通」嘅無縫通訊體驗。
屯馬線飛馳 煲劇打機冇難度
新界西北發展得咁快，搭港鐵屯馬線嘅人越嚟越多 。大家都知由錦上路站去荃灣西站嗰段路長成九公里，成個車程超過十分鐘，係出市區嘅必經之路 。和記電訊 (3 香港) 針對呢段路同八鄉車廠做嘅網絡提升工程已經搞掂晒，據知是加入了 5G 黃金頻段 n78 的覆蓋 。
依家就算喺人多嘅車廂入面，實測下載速度都超過 200Mbps，真係快過打針 。以前搭呢段車可能只係望住個電話發呆，依家無論係睇高清片、打機定係碌社交平台，都可以順暢無阻，真係做到「如魚得水」，唔使再擔心斷線或者 load 空氣 。
太子站站 5G 升級
全線更爽快 除咗新界西北，和記電訊 (3 香港) 針自舊年開始已經喺多個港鐵站做 5G 升級 。好似中環、金鐘、尖沙咀呢啲大站早前已經搞掂，而家連太子站嘅 5G 黃金頻譜都啟動埋 。今次升級幫個站加強咗網絡容量，等大家轉車經過嗰陣，上網都可以更加順暢。
