XBOX Nano 口袋手掣正式登場 csl 獨家賣 僅重 99g 隨身玩轉跨平台遊戲
Microsoft 旗下 XBOX 正式推出全新硬件配件 XBOX Nano 口袋手掣，主打極致輕量化與隨身便攜體驗。今次新產品由香港電訊旗下 csl 及網上行成為亞洲首個流動通訊及寬頻網絡供應商發售，並且係全港唯一行貨獨家發售商。手掣於 2026 年 11 月 4 日起正式發售，csl 亦同步喺旺角旗艦店設立體驗專區，畀公眾率先試玩實物。
機身僅重 99g 完整保留 18 個標準輸入鍵
XBOX Nano 口袋手掣以「口袋大小、人人適用」為核心設計理念，專門針對隨身玩樂習慣而研發。手掣長度僅約 12.9 cm，機身重量只有 99 g，比現時市面上大多數智能手機更加輕巧細小，可以直接放入口袋或者背包隨身攜帶。
雖然機身尺吋大幅縮減，但 XBOX Nano 並冇犧牲操控完整性。機身完整保留咗 18 個標準遊戲輸入鍵，提供玩家習慣嘅按鍵配置同手感。相比起手機觸控螢幕經常出現嘅遮擋畫面同缺乏實體反饋問題，實體手掣能為手機遊戲及串流遊戲提供更準確嘅操作反應。
定價 399 元 現有客戶換購享優惠兼送痛袋貼紙
定價方面，XBOX Nano 口袋手掣官方建議零售價為 HK399。針對現有 csl 及網上行客戶，官方推出特別優惠價 HK359。此外，選用指定 csl 或網上行服務計劃嘅用家，更可以免費獲贈呢款產品；The Club 會員亦可選擇以 1,800 Club 積分換購。為配合首批開售，用家而家喺 csl 及 HKT Education 網店，或者全線門市購買首批產品，將會獲贈限量禮品，包括「XBOX 手掣便攜展示痛袋」以及《Minecraft Dungeons II》DIY 貼紙，贈品數量有限，送完即止。
支援家庭同樂與多人對戰 旺角旗艦店設試玩體驗區
除咗流動玩樂，XBOX Nano 亦兼顧家庭與休閒用家需求。憑藉小巧尺寸與相宜定價，手掣可以作為家中嘅備用手掣，當有朋友到訪或者家庭聚會時，隨時加入支援多人合作同對戰，同時配合 XBOX 平台上嘅各類互動內容，方便不同年齡層一齊同樂。網絡連線方面，手掣配合 csl 5G 極高速流動網絡以及網上行 F5G-A 超級寬頻，有助確保出街打機或屋企大銀幕娛樂時具備低延遲同高穩定性。想親身體驗手感嘅用家，由 11 月 4 日起可前往 csl 旺角旗艦店嘅特設體驗專區試玩，其餘 csl 分店亦會陸續推出相關體驗區。
