SmarTone 佛誕有漫遊優惠！送四日漫遊數據
佛誕假期就到，SmarTone 最近推出咗漫遊優惠，好啱出 trip 嘅你。一齊嚟了解一下。
送四日漫遊數據
SmarTone 最近推出咗一個叫做「漫遊數據多日通雙重獎賞」嘅限時優惠。你喺 SmarTone CARE 個 app 入面買指定嘅漫遊數據多日通組合，只要買夠 $218，就即送你額外 4 日漫遊數據，去澳門、台灣、新加坡、馬來西亞定印尼都得。呢個額外送嘅日數仲可以留起 3 個月，唔使即刻用晒，之後去秋季旅行都仲用得番，夠晒彈性。
外遊備用 SIM
除咗送日數，佢仲會送你一張「外遊備用 SIM」。呢張 SIM 有咩用呢？就係萬一你出遊期間唔小心跌咗部電話或者 SIM 卡，唔使驚，打個電話去 SmarTone 客服，或者用佢哋個網上即時對話，做個簡單身份認證，就可以喺 15 分鐘內開返個備用 SIM，照用你原本個號碼繼續上網、收電話、聯絡人，成件事快手又方便。
而家你只要透過 SmarTone CARE 個 app 買任何一款漫遊數據多日通組合，個賬戶持有人就可以免費拎一次「外遊備用 SIM」。佢哋會 send 一個換領短訊俾你，攞住個訊息，喺 3 個月內去 SmarTone 門市就可以拎張 SIM，成件事唔使俾錢，SIM 仲有效期三個月。
仲有，如果你係 PriorityPlus Premium 嘅會員，連買都唔使買，直接可以免費拎張「外遊備用 SIM」，呢個就真係會員福利喇。成個優惠都係幫你去旅行可以上網上得安心啲，就算真係唔小心遺失咗部電話，都唔怕聯絡唔到人。
