SoSIM 推北上新計劃! 大灣區樂遊寶 ! DayPass 數據連旅遊保險
SoSIM 有新搞作！今次佢哋推咗個超方便嘅北上新上網數據計劃，叫做 24 小時/大灣區樂遊寶。簡單啲講，就係結合咗 DayPass 數據連埋旅遊保險，一次過搞掂！
大灣區樂遊寶
SoSIM 呢個新服務，其實係同蘇黎世保險（香港）同和記電訊香港合作推出，係市場上第一個可以同時攞到大灣區旅遊保險同上網數據嘅 24 小時外遊服務組合。只要你係 SoSIM 儲值卡客戶，即日就可以買到，超方便！
咁佢點玩呢？申請咗之後，只要你開啟咗外遊數據，旅遊保險就即刻一齊生效。返到香港，轉返用本地數據，旅遊保險就會自動完結。成個流程無痛又直接，啱晒短途旅行，例如兩日一夜上深圳、廣州咁，超級適合！不過每次旅程最多保 10 日。
而家呢個 24 小時/大灣區樂遊寶，SoSIM 儲值卡客戶只需 HK$19.9，就可以攞到 500MB 大灣區數據、500MB 香港數據，同埋蘇黎世大灣區 Go! 保險計劃。即係一個價錢包晒上網同保險，唔使再自己逐樣搵，慳時間又慳煩惱。
限定優惠
仲未完喎！為咗慶祝推出，喺 2025 年 4 月 29 日至 5 月 1 日呢段時間，仲有買二送一優惠！平均每日只需 HK$13.3，就可以用到呢個 combo，真係抵到爛。
如果你未有 SoSIM 儲值卡，唔駛擔心，全港超過 400 間百佳超市同屈臣氏都買到，價錢係 HK$33 一張，包你有 30 日 50GB 高速本地數據，或者五日中國大陸同指定熱門亞太地區外遊數據。
