今日好活動：DJI Neo 穿越體驗日　買機有 9 折

如果你係玩開無人機，或者想玩無人機，而同時對 FPV 有啲興趣，今晚 DJI 係香港有一個體驗日，大家真係唔可以錯過。DJI 會喺 4 月 2 號 (今日)，喺尖沙咀柏麗購物大道佢哋嘅門市搞一個實體活動，等你親身試玩下 DJI Neo 嘅穿越飛行，感受下乜嘢叫做真正嘅第一身飛行體驗。

有９折

時間係 4 月 2 號 (今日)　晚上六點半開始，地點就係尖沙咀 DJI 專門店，到時你可以戴住 FPV 眼鏡，用第一身視角飛 Neo，真係好似打緊機咁爽！DJI Neo 機身超細隻，得 135 克，而且用咗全包式保護設計，唔單止安全啲，仲方便你拎出街飛。仲可以喺手掌上起飛降落，夠晒有型又實用。

如果你試完覺得啱玩，DJI 仲有限時優惠，DJI Neo 而家做緊 10% 折扣，由 3 月 25 號到 4 月 21 號，只要去 DJI 嘅專門店或者指定零售商就買到。

同場加映

同場加映，Osmo Action 4 都有大優惠！由而家開始直到 5 月 5 號，都可以用平咗嘅價錢買到。呢部機專為運動攝影設計，細細部，得 145 克，但就勁清，1/1.3 吋感光元件加 f/2.8 光圈，仲可以拍到 4K 120fps 慢動作影片，真係無得輸。加埋前後雙觸控螢幕同 18 米裸機防水，出 trip 用就啱晒。