更加薄身 Galaxy Z Fold 6 Special Edition 呢日發佈
Samsung 傳聞已久嘅 Galaxy Z Fold 6 SE （特別版）好快登場，呢部手機設計更加薄，而且規格提升。
Samsung 韓國早前喺 YouTube 頻道放咗條短片，透露 Galaxy Z Fold 6 SE 嘅發佈日期。短片裡面，有人手持信封，滑咗喺門底，信封入面顯示摺疊手機同埋「你被邀請了」嘅字樣，日期為「…..」。睇片就知…..
更薄、更強設計
據消息指出，Samsung Galaxy Z Fold 6 SE (特別版) 摺開嘅厚度係 4.9mm，摺埋時係 10.6mm，雖然未能超越部分中國品牌摺疊機，但係已經係好大進步。防水防塵功能依然保留（IP48），呢點係中國摺疊機未做到。機身可能使用 Galaxy S24 Ultra 類似嘅鈦金屬框架。
螢幕同規格
傳聞仲話，Galaxy Z Fold 6 特別版會採用 6.5 吋嘅外螢幕同 8 吋摺疊內螢幕，配備更大嘅電池應付大屏幕需求，預裝 Android 14 同 One UI 6.1.1，最多會有七次系統更新。處理器方面，傳聞會用 Snapdragon 8 Gen 3，並且提升相機系統，後置主鏡頭有可能提升到二億像素。呢款 Galaxy Z Fold 6 特別版除咗厚度同相機方面有提升，依然保留咗 Samsung 嘅防水防塵優勢，預計率先喺中國同韓國市場推出。
