Google Flights 升級！幫你慳錢揾最平機票
Google Flights 最新推出「最平」功能啦！ 專為想慳錢嘅你而設，搵到最抵航班仲可以揀分段預訂唔同航空公司！隨時幫你慳返幾百蚊。
功能詳情
Google Flights 一直係旅客搜尋航班嘅首選平台。新嘅 「Cheapest 最平」功能專注喺提供最抵價航班選擇，可能包括長途轉機、Red Eye 航班，甚至要旅客自己轉機運行李。雖然呢啲選擇比直航麻煩，但對想慳錢嘅旅客嚟講，呢個功能係相當吸引。
更靈活預訂
呢個新功能仲可以幫旅客選擇分段預訂唔同航空公司嘅航班，呢種安排雖然會令行程複雜，但有機會幫你慳返成百蚊，尤其適合長途旅行或者旺季嘅航班。Google Flights 嘅產品經理話，呢個功能唔只適合美國國內航班，國際航班同樣用得。Google Flights 「Cheapest 最平」功能預計會喺未來兩個禮拜內全球推出，將會係預算有限旅客慳錢嘅好幫手。
