OpenClaw 龍蝦 AI 爆紅全中國？中國地方政府補貼百萬谷應用。用龍蝦有乜風險?
要點：
- 「OpenClaw 俗稱「龍蝦」」 AI 代理程式喺中國大陸爆紅，政府甚至提供高達 100 萬人民幣嘅補貼嚟谷應用。
- 事實上， AI 容易出現「幻覺」，甚至會死雞撐飯蓋提供錯誤資訊。
- 中國工信部發出警告，指呢類 AI agent 可能會執行越權操作，存在重大保安隱患。
- 專家建議測試時應使用獨立電腦同帳戶，避免個人私隱同重要資料外洩。
近排有一款叫 OpenClaw 俗稱「龍蝦」」嘅 AI 代理程式突然間全城瘋傳，最爆嘅消息當然嚟自中國大陸，得到香港傳媒日講夜講，「養龍蝦」變成最近嘅科技潮語。事實上，中國大陸的確引發咗一場全民「養龍蝦」熱潮，連地方政府都出埋手大力推動。
龍蝦點解會喺中國大陸咁爆紅？
「龍蝦」喺短時間內成為咗科技界嘅係中國大陸嘅新寵兒，下載量甚至被指可以媲美 Linux 發展 30 年嘅規模。除咗因為技術本身有前景之外，最主要係背後有強大嘅政策支持。中國地方政府，如深圳為咗鼓勵企業轉型同應用 AI 科技，推出咗所謂嘅「龍蝦」 十條，最高會資助 100 萬人民幣畀企業去部署呢套系統。雖然出面有好多免費幫人安裝嘅服務，但亦有唔少人會收費幫人代裝，收費由幾百到幾千人民幣不等。
實測結果點樣？點解話會「一本正經胡說八道」
雖然OpenClaw「龍蝦」處理寫 Email 或者排行程等簡單任務表現出色，但有業界人士實測後發現，表示當對複雜嘅財務數據分析時，AI 就會顯得捉到鹿唔識脫角嘅情況。由於 AI 本質係做預測而唔係理解事實，當遇到需要付費訂閱或者權限限制嘅網站時，佢會因為無法讀取內容而編造結果，出現嚴重嘅「AI 幻覺」問題。呢種情況正正係 AI 式 死雞撐飯蓋，明明唔知都要扮知，對於依賴數據做商業決定嘅老闆嚟講，風險絕對唔細。
保安風險有幾大？中國工信部被迫出警告
除咗準確度問題，保安隱患先係最令人擔心嘅地方。中國工信部已經發出警告，指呢類 AI agent 喺執行任務嘅時候，可能會出現越權操作，例如喺你唔知情嘅情況下刪除檔案或者更改系統設定。雖然 AI 帶嚟方便，但如果將佢安裝喺自己常用嘅 Windows 或者 MacBook 上面，等同於開放咗門戶畀 AI 隨意行事。加上呢類程式極之消耗 Token，長期使用嘅 API 成本亦會好似火箭咁直線上升。
應唔應該跟風嘗試「養龍蝦」？
對於想嘗試新技術嘅朋友，大家一定要保持警覺。雖然 AI 係未來大趨勢，但目前嘅技術仲未成熟到可以完全取代人工，尤其是涉及到錢銀或者重要商業秘密嘅工作。
常見問題 FAQ
1. 我可以用我部常用電腦嚟試玩 OpenClaw 「龍蝦」 嗎？
唔建議。最好用一部全新或者獨立嘅電腦，並且使用全新嘅 Email 帳戶，避免 AI agent 攞到你真實嘅個人資料或執行危險指令。
2. 點解 OpenClaw 龍蝦 畀出嚟嘅數據有時係錯嘅？
因為 AI 係基於模型預測，當佢讀取唔到特定網頁（例如需要 Login 嘅網站）時，會根據機率生出睇落合理但實際上係假嘅資訊。
