教你用豆包玩 Seedance 2.0！點整全網爆紅 AI 片
大家呢幾日有無喺 Facebook 或者 Threads 見到啲超真實 AI 影片？周星馳同陳奕迅 竟然喺出現逃學威龍 2 出現，仲有一個版本係 Nvidia 老闆黃仁勳亂入，仲有好多明星、卡通、超人、怪獸亂入嘅 AI 影片。呢啲片全部係用字節跳動最新出嘅 Seedance 2.0 整出嚟。
Seedance 2.0 有乜咁勁?
以前想玩 AI 影片要靠 OpenAI 嘅 Sora 或者 Google 嘅 Veo，呢兩家效果最好，仲要有埋聲。而家字節跳動呢個 Seedance 2.0 直頭係廣東話最強，聲畫同步做得好自然，對白完全唔生硬！而明星、卡通等亂入，亦令 AI 片變成好真實。本來，係文章推出嗰陣，得中國版 App 有得玩，但身為香港，要玩唔難。
香港人點様玩 Seedance 2.0?
喺香港想玩 Seedance 2.0 其實好簡單，去 App Store 或 Google Play 下載 「豆包」App 就得，用香港電話號碼登記，每日有 10 次免費額度可以整 10 秒片。 「Seedance 2.0」 勁在可以上傳 9 張相、3 段片同 3 段聲做參考，仲識自動運鏡添！不過，係豆包入面，大約只可以傳一張相做參考。
多唔多人玩？有乜限制？
不過而家太多人玩，等一段片分分鐘要半個鐘甚至半日，大家要啲耐性。另外因為驚人整 Deepfake，而家暫時唔畀上傳真人樣做參考喇，所以想整 周星馳同陳奕迅合體可能要等下先。想睇 Step by step 教學點樣課金玩進階版 「即夢 AI」，記得去 Subscribe 我哋 Patreon!
