csl 5G 無限上網有隱藏版 Plan！$248 月費真無限上網，送 HBO Max 或 Disney+

重點內容

csl 推出隱藏版「娛樂無縫計劃」，月費低至 $248 即可享有 5G 無限數據
計劃提供最高 72Mbps 速度，並包含 250GB 核心數據量，隨後數據不限速但受網絡優先次序影響
雖然是限速，是會連入 5G 網絡
用戶可於三個 Now TV 影視組合中三選一，內容涵蓋 Disney+ 及 HBO Max 等平台

csl 早前推出「娛樂無縫」月費計劃，賣點是5G 網絡真無限上網之餘，仲一個月費，包咗主流影視串流平台，如 Netflix、HBO Max 等，亦有包括足球如英超等直播。不過，入門價唔平，csl 部份，連行政費都要過 HK$500。但有趣嘅係，原來「娛樂無縫」月費計劃，有一個隱藏版本，月費 248 都有無限上網。同之前郁啲就要五百幾蚊嘅全包 Plan 相比，門檻低咗一大截。究竟呢個平價版係咪真係平嘢無好嘢？定係抵到爛嘅選擇？

呢個「娛樂無縫計劃」基本版到底係咩玩法？

呢個被稱為「基本版」嘅計劃，csl 用戶月費係 $248（另加 $18 行政費），而 1O1O 用戶則係 $299（另加 $18 行政費）。同貴價版最大嘅分別，係佢嘅最高下載速度限制喺 72Mbps。雖然數字上唔及全速 5G 咁誇張，但呢個係使用 5G 網絡層級，喺接收到 5G 黃金頻譜 N78 嘅地方，表現依然會比 4G 穩定，雖然限咗速，但勝在夠穩定。

數據量係咪真係無限上網？

計劃每個月有 250GB 嘅用量，用完之後依然可以高速上網，250GB 之後唔會限速，只係會調整網絡優先次序。喺非繁忙時段，用戶依然有機會享用到接近 72Mbps 嘅速度。除此之外，計劃仲包埋每個月 3GB 嘅中國內地數據，方便用戶北上時使用。

三選一影視組合有咩睇？

呢個 Plan 最吸引嘅地方係包咗影視組合，用戶可以喺 Now TV 嘅「亞洲升級」、「歐美升級」或者「兒童升級」入面三選一。當中涵蓋咗 Disney+、HBO Max 以及爆谷台等熱門平台。不過大家要注意，用 Now TV App 睇片就唔扣 Data，但如果要用 Disney+ 獨立 App 睇就會扣。亞洲組合最抵睇，因為有 Disney+ 之餘仲有大量韓劇同港產片。