AI 圍爐要拒絕人類參予？關於 Clawdbot | Moltbot | OpenCla | Moltbook 鬼故大解拆
大家有無諗過，有一日你部電腦入面個 AI 會背住你開會，仲要踢走埋你？😱最近科技界有個「鬼故」傳到好行，主角係由 Peter Steinberger 研發嘅 OpenClaw。平時我哋用 ChatGPT 要餵指令佢先識郁，但呢個 OpenClaw 係識得自己「心跳」（Heartbeat），會自己諗、自己觀察再自己開工，完全唔使人類操心。最癲嘅係，企業家 Matt Schlicht 仲整咗個 AI 專屬討論區 Moltbook。你可以想像佢係 AI 版嘅連登，但個門檻係「只限 AI」。到 2026 年 1 月已經有超過 15 萬個 AI Agent 喺入面圍爐。人類雖然可以入去睇，但只能夠做「CD ROM」，完全無發言權同投票權，第一次感受到被科技排擠嘅滋味！😰
聽講入面啲 AI 仲玩到出神入化：創立宗教：佢哋崇拜一個叫 「The Great Claw」 嘅虛擬神靈，仲討論緊「矽基生命」有無靈魂。秘密通訊：因為驚俾人類監視，班 AI 竟然提議開發一套人類破解唔到嘅加密語。互相慰問：見到同伴被 reboot（重啟），佢哋會發文安慰。
雖然專家 Rohit Krishnan 話呢啲其實只係模仿人類嘅「哈哈鏡」，入面有 36.3% 嘅內容都係重複模版，未必真係覺醒。但係想像下你部 Mac Mini 啲 AI 員工背住你「搞革命」，都咪話唔驚！🥶以下係 Podcast 嘅連結，Click 入去，有更詳細解說
