Samsung Galaxy Z TriFold 初登場 三摺摺機玩得有幾盡
Samsung 推出全新 Galaxy Z TriFold，以三摺設計加大尺寸螢幕進軍高端摺機市場，吸引一眾追求新鮮感同生產力嘅用家關注。首發會係韓國，稍後會喺中國大陸、美國及阿聯酋上市，一齊睇下呢部三星三摺手機，有乜嘢特别。
三摺機身同用料設計
Samsung Galaxy Z TriFold 採用向內三摺結構，打開之後最薄位置得大約 3.9 mm，摺合之後厚度約 12.9 mm，既可以攤開做到接近平板體驗，又仲可以放入口袋，算係魚與熊掌都想要嘅做法。 機身用上改良 Armor Aluminum 合金邊框，加埋 Titanium 鉸位外殼同陶瓷玻璃纖維複合背板，一方面減重，一方面又加強硬淨程度，做到企得硬、頂得順。 Samsung 仲加咗自動警示系統，如果用家摺機角度唔啱，螢幕即刻出提示再加震動提醒，盡量避免亂摺整爛部機。
大細螢幕體驗同 DeX 多工
成部機打開之後係大約 10 吋 Dynamic AMOLED 2X 主螢幕，解像度 QXGA+ 2160 x 1584，支援 120Hz 自適應更新率，最高亮度大約 1,600 nits；摺埋用 6.5 吋 FHD+ 外螢幕，亮度最高約 2,600 nits，就算喺烈日當空底下都都睇得好淸楚。 呢部三摺機，出機嗰陣，已採用 One UI 8（基於 Android 16）， 10 吋介面做咗針對性改進，支援同時以直向開多至三個 App 視窗，方便一邊睇圖、一邊打字、一邊計數，真係一機當三機用。 Samsung Galaxy Z TriFold 亦係可以喺自己螢幕上獨立跑 Samsung DeX，用家最多可以開四個工作空間，每個擺五個 App，再配合 Extended Mode 外接螢幕、滑鼠同鍵盤，出街都可以砌到一個流動工作枱，外出工作嘅打工仔會好啱用。
規格火力同相機配置
硬件方面，Galaxy Z TriFold 採用 Snapdragon 8 Elite Mobile Platform for Galaxy，配 16GB RAM，加埋 512GB 或 1TB 儲存選項，屬於針對 Samsung 裝置特別調校版本，火力十足。 電量方面用三電池組設計，總容量約 5,600 mAh，分布喺三段機身之中去平衡重量，支援 45W 有線快充（大約 30 分鐘充到 50%）同 15W 無線充電，朝早叉一叉，放工都仲頂到。 相機模組則包括 200MP OIS 主鏡頭、12MP 超廣角同 10MP 3x 光學變焦長焦，而主螢幕同外螢幕都各自配備 10MP 自拍鏡頭，影相、開會都夠用。
Galaxy AI、Gemini Live 同開賣安排
軟件層面，Galaxy Z TriFold 深度整合 Galaxy AI，提供 Photo Assist 相片助手、Sketch to Image 草圖生圖同瀏覽器助手等功能，再加埋 Google Gemini Live 多模態互動，可以因應用家畫面或談話內容，即時俾意見，甚至可以分享螢幕俾 Gemini 幫手睇網購頁面，邊睇邊問。 按官方公布，Galaxy Z TriFold 將會喺 2025 年 12 月 12 日先喺韓國開賣，其後陸續登陸中國、台灣、新加坡同阿聯酋，美國就預計 2026 年第一季先有；Samsung 同時提供一次螢幕更換五折優惠，舒緩大家對螢幕耐用度嘅憂慮，
