支援大埔宏福苑火災災民！用 PayMe 優惠券，捐款自動多 10 蚊
相信大家對大埔宏福苑五級大火事故受影響災民，都深表同情，可能都想透過捐款，幫助到佢哋。有冇考慮過用 PayMe？今日網上有人 Post 出教學，原來可利用 PayMe 本身送嘅優惠券去作捐款，呢啲優惠券，本身用嚟扣減購物時嘅費用，由於 PayMe 嘅商戶，係包括咗慈善團體，而不少機構都開設了捐款帳號，所以，呢啲優惠券，變相可以用嚟作捐款，想知點搞，呢條片教你。
秘技拆解：點樣為捐錢增值？
其實個原理好簡單，PayMe 幾乎隔幾日就送現金優惠券，由港幣八蚊至十蚊不等，平時可以用嚟扣減你嘅消費額，例如，你去 McDonald’s 叫餐用 PayMe 俾錢，用十蚊優惠券，嗰餐就會平咗十蚊。用嚟捐款嘅話，由於部份受款機構，PayMe 會視佢為「商戶」，你捐款俾佢哋，用埋優惠券，PayMe 會幫你俾十蚊。
即係話，你想捐一百蚊嘅話，你可以考慮捐多十蚊，咁 PayMe 就會幫你扣減十蚊，即係佢幫你埋多十蚊。掉轉嚟講，若果你真係好窮困，但又想捐款，你直頭可以直接捐十蚊雞，咁你其實一蚊都唔使，嗰十蚊 PayMe 會同你俾。當然，我唔信香港人會咁窮，至少捐多十蚊啦！
善款去向：專門支援大埔宏福苑火災災民
咁捐去邊度呢，網友推介捐俾仁濟醫院「緊急援助基金（Emergency Assistance Fund）」，佢哋講明會支援今次大埔宏福苑五級火事故嘅受影響人士，記得喺 Remark 寫返「大埔或 Taipo」等仁濟醫院知道係俾今次嘅災民。
