Lucky SIM 有筍 Plan 全新月費 $78 有 35GB，包本地及四地漫遊

本地 MVNO 電訊商 Lucky SIM 宣佈正式推出全新嘅月費計劃，擺明車馬要用最抵嘅價錢，俾用戶享受到最優質嘅服務。今次佢哋唔單止照顧到本地數據用量大嘅朋友，仲特別關照埋鍾意去旅行嘅港人，實行以一個價錢滿足多個願望。

數據通話好很平

講到今次嘅重頭戲，一定係全新嘅 $78 月費計劃。呢個計劃真係足料，每個月除咗有 35GB 高達 100Mbps 嘅高速4G 網絡本地數據之外，仲包埋 4000 分鐘本地通話，長氣袋都唔怕傾爆分鐘。最正嘅係，3GGB Data 入面，其中 5GB 可以成為漫遊數據，喺中國、澳門、台灣、日本四個地方都通用，真係岩晒成日要飛或者返中國大陸嘅朋友。就算你本地數據用爆咗，都仲有最高 3.6Mbps 嘅無限數據任你用，實體卡同 eSIM 都一齊推出，都係呢個價錢。方便到極。Lucky SIM 係香港有牌 MVNO 網絡商，租用 csl 網絡，漫遊亦跟 csl 的地區覆蓋。

3.6Mbps 無限上網

除咗 $78 呢個旗艦推介，Lucky SIM 其他計劃都好貼心，由 $8 到 $68 都有交易，實行豐儉由人。好似 $48 同 $68 嘅計劃，本身已經包咗中國同澳門嘅漫遊數據。除咗最平嗰個 $8 計劃之外，其他全部都送埋留言信箱，來電轉駁仲要唔收額外費用，淨係扣分鐘，另外，用爆咗指定數據量 ($8 plan 除外），都會繼續以 3.6Mbps 提供無限上網服務，其實以足夠應付日常上網需要。佢哋仲推出咗預繳優惠，預繳一年即刻打個九折，預繳兩年仲有八折。