DJI Neo 2 登場：「會飛的跟拍攝影師」幫你輕鬆出片
DJI 正式發佈咗全新嘅輕量化智慧跟拍無人機 DJI Neo 2 。今次呢部機定位係「會飛的跟拍攝影師」 ，作為 Neo 系列嘅第二代產品 ，目標係俾用家一個更方便、更好用嘅飛行跟拍體驗 ，隨時隨地記錄生活精彩點滴 。
機仔細細 安全十足
DJI Neo 2 淨重只係 151g ，但就係 DJI 目前最細部 、兼且做到全向避障嘅無人機 。DJI Neo 2 喺咁輕嘅機身加入全向避障功能 ，再配合全包槳葉防護罩設計 ，真係麻雀雖小，五臟俱全。佢有齊全向單目視覺系統、前視雷射雷達同下視紅外線感測系統 ，可以即時感應到四周圍嘅障礙物 ，保障飛行安全 ，新手都飛得更放心 。
新手都啱玩 操控話咁易
講到操控，DJI Neo 2 簡直係為新手度身訂造，實現零門檻暢飛 。佢支援手勢操控 ，用單手或者雙手做手勢就可以靈活控制飛行方向同距離 ，唔使用遙控器都搞得掂 。而且佢仲支援掌上起降同全新嘅尋掌降落功能 ，可以準確搵到你隻手掌嚟自動降落 ，新手都唔會「雞手鴨腳」。用家仲可以用手機語音、DJI Fly App ，或者另外配 DJI RC-N3 遙控器同穿越搖桿 3 嚟操控。
智能跟拍 拍片更 Pro
作為一部跟拍無人機 ，DJI Neo 2 喺智能跟隨同智能自拍 方面都升咗。佢有全新嘅智能自拍功能 ，無論單人定多人影相都唔使求人 ，佢識得自動構圖同運鏡 。跟隨性能都勁咗，喺空曠地方最快可以去到 12 公尺/秒 ，仲支援八個方向跟隨 。影相拍片方面，佢有 1200 萬像素 1/2 英吋 CMOS ，支援 4K/60fps 影片同 4K/100fps 慢動作 ，加埋雙軸防抖 ，啲片就更穩定流暢 。
續航力同儲存
DJI Neo 2 最長可以飛 19 分鐘 ，內置 49GB 儲存 ，夠你拍好耐 4K 片 。佢個雙向充電管家仲可以一次過叉三粒電 ，非常方便 。
售價與服務
DJI Neo 2 已經正式開賣 。
● DJI Neo 2（僅飛行器）售價 HK$ 1,669，包含飛行器、1 粒智能飛行電池、槳葉防護罩等組件；
● DJI Neo 2 暢飛套裝（僅飛行器）售價 HK$ 2,229，包含飛行器、3 粒智能飛行電池、雙向充電管家等組件；
● DJI Neo 2 暢飛套裝售價 HK$ 2,789，包含飛行器、數碼影像傳輸模組、RC-N3 遙控器、3 粒智能飛行電池、雙向充電管家等更多組件；
● DJI Neo 2 體感暢飛套裝售價 HK$ 4,129，包含飛行器、穿越搖桿 3、Goggles N3、3 顆粒智能飛行電池、雙向充電管家等更多組件。
DJI 飛行眼鏡 3、DJI 穿越搖桿 3、DJI FPV 遙控器 3 可單獨購買，售價分別為 HK$ 3,869、HK$ 659、HK$ 1,249。搭配 DJI 飛行眼鏡 3 和穿越搖桿 3 使用時，可解鎖 DJI Neo 體感操控玩法，開啟第一視角沉浸式飛行。
