和記電訊推 Wi-Fi 7 5G 寬頻計劃 免租機費首年月費低至 $208
和記電訊再有新搞作，主打「快、穩、抵」，推出最新 Wi-Fi 7 5G 家居寬頻服務，仲送齊最啱用嘅路由器，無需額外洗錢買機。
和記電訊嘅 3 香港同埋 Supreme 啱啱宣布咗推出一個全新嘅 Wi-Fi 7 5G 寬頻月費計劃，佢哋而家會送埋 Wi-Fi 7 5G 路由器，連租機費都免埋，即係你唔洗再自己買 router，簽約就即刻有得用最新制式嘅 Wi-Fi 7。
WiFi7 有乜好
講多少少 Wi-Fi 7 嘅嘢，呢個係而家最新一代嘅無線網絡技術，速度快過以往，連線穩定性高啲，而且時延都低咗，無論你係打機、開 Zoom、煲 Netflix，定係全家人一齊上網，個網都會順好多。和記電訊又話，佢哋個 5G 網絡配合埋呢部 Wi-Fi 7 router，用嚟做家居寬頻係超級夠力，真係可以取代傳統光纖嘅方案。
收費部份
至於收費方面，原價其實係每個月 $238，不過而家做緊推廣，首年只係 $208 一個月，而且係無限任用數據 (無 FUP 真無限)，夠晒你點都唔洗驚爆 data。仲有，如果你而家上台，仲送埋最高 $1,200 嘅易賞錢積分，拎嚟買嘢又得，換禮品又得，幾抵玩
