3 香港新推「北上玩．亞太遊」!每月加 $18 周遊34個地區唔使換卡
和記電訊嘅 3 香港同 SUPREME 最新嘅「北上玩．亞太遊」推廣，啱晒最近準備去旅行又想慳返啲數據錢嘅朋友。月費加多 $18，所用嘅數據就可以打通 34 個亞太地區，一個計劃，去邊到用都得。
依家喺 3 香港同 SUPREME 只要上台或者續約，揀用指定 $124 起跳嘅 5G 月費計劃，就已經包埋本地 30GB 起數據同 1GB 起嘅內地／澳門漫遊數據。最正就係，只要每個月加多 $18，就可以將呢個內地，澳門數據，升級做亞太漫遊數據，支援足足 34 個地區，包括日本、韓國、台灣、新加坡、馬來西亞等等，啱晒即將復活節或者五一長假出遊打卡。換句話講，去旅行唔洗再周圍搵 SIM 卡或者換卡，落機即刻連線，直接上網打卡影相，無煩惱！
而且，如果你係攜號轉台、續約，或者加開新號碼，仲可以拎多 $333 月費回贈。如果你肯再升級少少，揀用 $188 或以上嘅 5G 月費計劃，除咗本地數據多咗、亞太數據升級咗，仲可以喺一堆禮遇入面，自己揀三樣心水，包括每個月額外 33GB 本地數據、$333 手機折扣、三個月月費回贈，或者免行政費等等，加埋總值過 $3,000，成件事真係幾吸引。如果你最近有打算換台、加卡、續約，不妨睇睇呢個「北上玩．亞太遊」優惠，旅行上網就咁輕鬆啦。
