三星香港推出 Galaxy S25 系列企業版！到底跟消費者版本有乜差別？
三星新出咗 Galaxy S25 企業版，今次堅係落重本，有 Galaxy AI 幫手，實幫到企業員工升呢
Galaxy AI 手機人工智能
呢部 Samsung Galaxy S25 企業版，啲 AI 功能真係屈機，幫你搞掂晒啲麻煩嘢！ AI 語音通話摘要：開會唔使再做人肉錄音機，AI 即時將講嘢內容轉做文字重點，開完會即刻睇到，唔怕漏嘢！寫嘢助手：寫email、寫報告唔使再諗爆頭，AI幫你執靚啲字句，寫出professional水準嘅文件！
成日 miss 咗啲重要通知？How Brief 呢個功能幫你到時到候將啲嘢 sort 好晒，一眼就睇到晒，唔會再漏嘢！
同外國同事開會雞同鴨講？唔使怕！AI即時翻譯功能，講咩都即刻變晒對方嘅語言！
要畫圖表做 presentation？AI 幫你手，你求其畫兩筆，用 Galaxy AI 嘅 Drawing Assit，AI 幫你由草圖都變靚圖，今次仲加入咗文字變圖片功能。有張相，就可以插入去 Samsung Notes 裡面嘅文件啦！
安全同管理設定
除咗 AI 功能，Galaxy S25 企業版嘅安全同管理都做得好足，透過 Samsung Knox Suite,幫你保護公司啲機密嘢，唔使驚俾人 hack 咗去！你可以隨時 check 吓啲機安唔安全，有咩事即刻搞掂佢！老闆要管晒成公司啲手機？呢個幫到手，輕輕鬆鬆搞掂晒！幫你分析數據，畀埋貼士你，等你管啲手機管得更加好。
手機有咩冬瓜豆腐，可以喺遠距離搞掂佢，唔使下下攞去整咁麻煩。 仲有，佢哋仲幫唔同公司度身訂造咗唔同嘅方案：如果你係前線員工，呢啲功能就啱晒你，做嘢快靚正！如果你有特別要求，佢哋可以幫你改埋啲硬件，啱晒你嘅需要！
售後服務都好貼心：至少 2 年供貨承諾，3 年保養！7 年系統更新，7 代 One UI 更新！ 如果你想買機或者了解多啲，可以搵 1O1O Corporate Solutions 幫手，佢哋會提供埋 Samsung Knox Suite 嘅設定、IT 同事嘅培訓、24 小時支援熱線、維修保養、以舊換新等等服務。 企業版 Samsung Galaxy S25 系列，有 Galaxy S25 Ultra 鈦金屬黑，Galaxy S25 霧砂灰！
