SmarTone 為第 18 屆亞洲電影大獎提供 5G-Advanced 網絡支援 確保盛事無縫連接
第 18 屆亞洲電影大獎剛剛結朿，集合咗過千名電影行業菁英、從業員、政商界代表同埋各大媒體，場面一定超級盛大。SmarTone 獲邀成為第 18 屆亞洲電影大獎大會指定網絡夥伴，一齊了解一下，佢哋幕後做咗啲乜。
SmarTone Solutions 發功
SmarTone 透過旗下嘅 SmarTone Solutions，根據大會需求度身訂造咗一個超強 5G-Advanced 網絡方案！呢個方案有幾犀利？首先，佢哋會結合 5G-Advanced 技術同 5G 專網，提供超高速、超低時延嘅網絡體驗。簡單啲講，就算係高清直播、紅地毯訪問，甚至即時社交媒體更新，全部都經過 5G-Advanced 網絡進行，做到順暢無比，唔會塞。
另外，會場 Wi-Fi 亦都會依靠 SmarTone 嘅 5G 網絡作骨幹，確保每個角落都有穩定嘅網絡覆蓋。重點係，SmarTone Solutions 派咗專業技術團隊全程駐場，實時監測同技術支援，確保所有人都享受到極致順暢嘅網絡體驗。 SmarTone Solutions 都唔係第一次應付盛事下嘅網絡需求，相信未來會有更多嘅香港盛事，網絡部份會由 SmarTone 負責。
