APAS 汽車科技研究發展中心研發「港車北上」電動車充電方案：立即睇解決歐／國不同標準的電動車充電轉換設備

近排政府宣佈，每日處理「港車北上」嘅申請數量，由每個工作天400宗增加到500宗，反映到呢個市場需求係急劇增長！但係，呢個背後有一個好大嘅問題，大家有冇諗過電動車嘅充電標準喺香港同中國內地係唔一樣嘅！汽車科技研發中心（APAS）最近在本地研發咗充電轉換設備，令「港車北上」時的電動車，可以用到中國內地嘅充電設備。

中港不同充電制式

電動車充電制式部份，香港主要用歐標，內地用國標，兩者喺充電接口形狀同通訊系統上都有明顯差異。所以，車主喺內地，使用國標充電儀器時，就必須要用電動車充電轉換設備。但而家市場上合適嘅轉換器選擇少之又少，而且價格貴到令人卻步，由幾千蚊到數萬元不等！更加誇張嘅係，有啲轉換器即使用咗，都未必可以提供到適合嘅充電功率。

解決方案

汽車科技研發中心（APAS）最近公開了本地研發的充電轉換設備。APAS 綠色運輸主管徐偉瑜分享電動車充電轉換器的規範及要求，以及示範電動車充電轉換設備時表示：「香港電動車九成九都用歐標接口，但國內嘅充電樁大部分都係國標。要解決呢個問題，就需要用到一個充電適配器，幫手連接兩邊嘅系統。不過，適配器只係第一步，背後仲有複雜嘅通訊技術！每次啟動充電之前，車同充電樁都要「handshaking」。如果國標車同國標樁嘅對話好簡單，但歐標車就要經適配器轉換國標協議，呢個過程可能會拖慢充電，甚至會失敗。唔同廠商生產嘅充電樁同車，都有自己嘅設計，同一個標準底下都可能有差異，所以兼容性問題好常見。技術人員一直測試唔同嘅車同充電樁，務求搵到最佳解決方案。」