華為 HUAWEI Watch Ultimate | 香港 | Watch GT 5 Pro | 十個專為高爾夫運動而設的功能
今日我哋介紹華為最新嘅智能腕錶系列，華為 WATCH Ultimate 同埋華為WATCH GT5 Pro，呢兩隻智能手錶，專為高爾夫球迷設計，今日會講講有邊十樣專為高爾夫運動嘅特別功能，若果你成日打高爾夫球，呢兩隻錶，可以幫你發揮得更淋漓盡致。
早前華為喺馬來西亞舉行咗亞太地區創新產品發佈會，正式推出呢兩隻智能腕錶，而香港都有得得，睇到尾，會話你知賣幾多錢。華為 WATCH Ultimate 同埋華為 WATCH GT 5 Pro，不但支援高爾夫球場模式，仲集合咗運動健康科技、經典設計美學同埋超強續航等特色，令智能體驗更加完美。
001: 練習場模式
第一個功能叫練習場模式，主要係針對揮桿練習，喺揮桿練習時，可以即時監測每一次揮桿嘅上/下桿時間、揮桿節奏同埋揮桿速度，幫助你搵到最適合自己嘅最佳揮桿節奏，提升最大揮桿速度，仲有握桿教學同揮桿示範動畫，幫你掌握正確姿勢。
002: 高精度高爾夫球場地圖
第二個功能係高精度高爾夫球場地圖，手機軟件覆蓋全球超過 15,000 個高爾夫球場地圖，運動健康 app 支持球場搜索、球道圖預覽、地圖下載同埋球場定位導航服務。升級後嘅球道 3D 立體視圖效果可以更加清晰咁展示發球臺、球道、樹木、沙坑、水障礙同埋果嶺嘅分佈，幫助你喺賽前做好球道攻略。
003: 坡度補償距離
第三個功能係坡度補償距離，呢個功能係專業高爾夫球手非常重視嘅，因為喺有坡度嘅真實球場環境打球嗰陣，淨係靠水準距離擊球會令到球無法落到目標落點。坡度補償距離可以通過提示使用者坡度資訊，令你可以擊打比水準距離更近或者更遠嘅距離，提升比賽表現。
004: 高精度定位性能
另外，呢兩款手錶會根據高精度定位性能，使到呈現到達障礙物前後嘅距離更加準確，結合新升級嘅坡度補償功能，仲可以自訂選擇地圖位置，自動顯示距離，制定更好嘅擊球策略。
005: 果嶺指向 + 風速風向
此外，呢兩隻錶都有果嶺指向同埋風速風向，果嶺指向即時展示進攻果嶺嘅目標方位，風速風向可以幫助你更好選擇瞄準嘅進攻方向。
006: 智能選桿推薦
第六個功能係智能選桿推薦，手錶會根據用戶每支球桿嘅擊球距離、當前球洞球道同障礙物嘅分佈、地形坡度等資訊，通過評估後續擊球路徑嘅桿數同落點障礙物風險等因素，為用戶智慧推薦下一桿瞄準嘅落點區域同可使用嘅球桿。
007: 上一桿擊球距離
第七個功能係上一桿擊球距離，通過自動擊球偵測，可以即時顯示上一桿嘅擊球距離，幫助更好掌握每支球桿喺場下嘅擊球表現。
008: 果嶺坡度熱力圖
第八個功能叫果嶺坡度熱力圖，喺球道同果嶺附近進攻果嶺時，果嶺坡度區域對於使用者判斷進攻方向好重要，基於熱力圖可以幫助你更好選擇進攻果嶺嘅方向。
009: 計分卡+ 完整計分報
當然，手錶會有計分卡同完整計分報告，手錶有自動生成嘅完整電子計分卡可以讓你永久保存，幫助你賽後技術分析，輔助提升關鍵環節嘅運動表現；根據自動偵測識別嘅擊球位置，動態還原擊球軌跡，幫助你更好複盤球場表現同回顧高光時刻。
010: 10 款高爾夫專屬錶盤
最後，係華為 Watch Ultimate 專享嘅功能，華為 Watch Ultimate 有 10 款高爾夫專屬錶盤，呢啲專屬高爾夫球主題預置錶盤，實現咗產品精神同精美藝術嘅融合，高光時刻閃耀你嘅手腕。
售價
想買呢兩隻手錶，就要留意以下嘅報價，華為 WATCH Ultimate 綠野傳奇版建議零售價 7999 起，而華為WATCH GT 5 Pro 46mm則由 2499 起，42mm 版本最貴嘅陶瓷白色係 4399 起。呢兩款手錶而家喺香港各大零售商都有得賣，包括華為沙田新城市廣場體驗店、1 0 1 0、c s l 等。
