iPhone 16 喺印尼禁賣，因為一個好奇怪嘅原因
雖然 iPhone 16 已經喺全球好多地方上市，但喺印尼暫時仲買唔到，點解會咁？會唔會攪到香港嘅印尼姐姐，加入炒賣 iPhone 16 行列，賣番去佢哋祖國賺錢呢？
本地零件要求
是咁的，印尼有一條例，要求所有喺當地賣嘅電子產品都要達到 40% 本地零件嘅要求，但好顯示，蘋果未能夠滿足，令 iPhone 16 唔可以喺當地發售。印尼工業部長話，蘋果未有履行佢哋嘅投資承諾，投資咗唔夠多，所以最新嘅 iPhone 16，印尼無得開賣了。
當地人嘅反應
印尼人對呢個禁賣反應唔一樣，有啲人支持政府要求外國公司遵守當地規則，但亦有人覺得呢啲要求實在好 X 麻煩，限制咗消費者嘅自由。好多印尼嘅果粉可能會去新加坡或者馬來西亞買 iPhone 16 ，但要承受額外嘅稅同註冊費。據知，其實呢次唔係第一次蘋果嘅新機遲喺印尼發售，上年 iPhone 15 都係要等到全球其他地方賣咗一排先至有得買。呢種延遲可能會影響蘋果喺印尼市場嘅表現，三星，小米，預備好未呢？
