Apple 傳推出平價版 MacBook Air！低於 HK$5000？
Apple 準備在 2026 年推出全新入門級 MacBook，定位比現有的 MacBook Air 更低，而且會是首部採用 iPhone 晶片的 Mac 產品。售價預計會低於 $999 美元 (約 HK$7800)，聽起來似平不算平，但這個策略能否成功？讓我同你分析一下。
主要規格預測
根據天風國際分析師郭明錤的預測，這部「平價」 MacBook 在 2026 年的銷量可能達到 500 至 700 萬部，令 Mac 產品線重返疫情高峰期的年銷 2500 萬部水平。換句話說，新機型可能佔整體 MacBook 銷量至少 20%，份額相當可觀。
Bloomberg 的科技專欄作家 Mark Gurman 亦指出，這部新機主要針對「原本打算買 iPad、但其實更想要傳統筆電體驗」的用戶群。從市場定位來看，Apple 似乎想填補 iPad 同 MacBook Air 之間的空白地帶。
成功關鍵在於定價策略
這部「平價」 MacBook 能否成功，最終取決於售價同埋性價比。考慮到 Apple 的銷售目標咁進取，定價可能會落在 $600 美元（約 HK$4800) 至 $700 美元 (約 HK$5600) 美元左右，呢個價位確實幾有競爭力。既然會採用 A18 Pro 晶片，合理推測記憶體應該係 8GB RAM，相比新款的 16GB 會少一半。不過如果售價低於 $700 (約 HK$5600) 美元，呢個配置都算係可以接受的取捨。但如果定價接近 $800 美元 (HK$6400) 就比較尷尬了，因為 MacBook Air 經常有減價優惠，價錢都係差不多。例如而家 Amazon 就有 M4 MacBook Air 減價至 $749 美元。另外，Apple 透過 Walmart 以 $599 美元發售 M1 MacBook Air，銷情都幾理想。所以新機要成功，就必須在合理價位下提供足夠吸引的規格，唔可以犧牲太多功能。Mark Gurman 特別強調「新機會係全新設計，而唔係舊款減價版本」，暗示外觀會同現有產品線有明顯分別。
整體而言，我認為這部平價 MacBook 會係 2026 年最值得關注的 Apple 產品之一。睇到 Apple 進軍新市場總係幾有趣，而且唔同 iPhone 16e，我相信呢次只要定價合理，應該會有唔錯的市場反應。根據 Gurman 的消息，新機會在 2026 年上半年推出，所以應該好快就會知道完整規格同售價。你對呢部入門級 MacBook 有咩睇法？會唔會考慮入手？
