華為香港區全新體驗店 插旗九龍灣德福 新張優惠 指定手機平板半價
華為宣佈全新嘅 HUAWEI 體驗店正式喺九龍灣德福廣場開幕，呢間旗艦舖，地理位置好挑機，但對 fans 嚟講，最緊要係有開幕優惠。半價買 flagship 手機，你又點睇。
睇重香港市場 挑機其他品牌
全新 HUAWEI 體驗店揀喺九龍灣德福廣場二期 G92 舖。呢間專門店，面向商場，左小米右apple (代理）, 對面仲係三星專門店。
華為話：呢個新地方唔單止係 Show 啲新科技，仲可以成為一個平台，畀大家一齊探索智能生活、互相交流，總之就係要提供一條龍嘅優質服務。
簡約靚裝設計 試玩最新產品
新店嘅設計理念係「以消費者為中心」，行現代簡約風，加埋高端科技 feel。入到去會見到全店佈局好光猛開揚，用咗唔少木質同簡潔線條，營造到個環境好闊落、好舒服。大家可以喺度慢慢試玩最新嘅華為旗艦手機、平板、智能穿戴同音頻產品。現場仲有專業sales ，有咩產品問題或者售後支援都可以即時問。聽講新店之後仲會定期搞科技講座，聚埋一班 Fans 交流心得。
新張優惠 手快有，手慢冇
為咗慶祝新店開張，HUAWEI 由 10 月 23 號到 10 月 26 號，會推出一連串限定優惠，部份產品低至半價發售！當中 HUAWEI Pura70 (12GB/256GB) 劈價到 HK2,688，HUAWEI MatePad SE 11” (Wi-Fi 版) 只賣 HK888，HUAWEI FreeBuds 6i 賣 HK320，而 HUAWEI WATCH 4 (黑色) 都只係 HK1,499。
除咗以上嘅限量搶購優惠，買嘢滿 HK$299 仲會送精美馬克杯，買任何嘢都會送環保手挽袋。不過提提你，所有優惠同贈品都係數量有限，送完即止，想執平嘢就要快手喇！
