3 香港推「世界 Plan」! 堅係一個 Plan 上網 Data 打通全世界

家陣香港人去旅行，真係「時辰到，就飛到」，好多時都係興之所至，話飛就飛，瀟灑過人。但每次臨飛前，又要上網搵邊張 SIM 卡抵、又要諗買邊份燕梳好，左搞右搞，諗起都頭都大埋。而家終於有網絡商睇準我哋呢啲「懶人」，利用佢哋嘅環球網絡，整咗個屈機嘅「世界 Plan」出嚟，一個字：爽！

一個 Plan 行勻 220 個地方

3 香港今次玩咗條上客絕世好橋，推出一個極適合喜歡四圍飛嘅月費 Plan！即日推出嘅「世界 Plan」，主打一個月費，你啲數據就可以喺香港用到，飛到外國超過 220 個地方都照用到，好似去歐洲玩幾個國家，都唔使下下換卡，慳返啲時間去飲杯咖啡好過啦！連秘魯、瓦努阿圖呢啲冷門到阿媽都唔認得嘅地方都包埋，真係一張「世界通行證」喺手。

和記電訊香港 CEO 古星輝都話，香港人真係好鍾意去旅行，舊年出境人次億億聲，仲有唔少客一去就成個月，可能係 WFH (Work From Hotel) 添！見大家咁興說走就走，公司就決定晒冷，「曬盡」環球網絡嘅疊水優勢，整個「世界 Plan」出嚟，等大家唔使再為上網呢啲濕碎嘢煩，一落地就即刻可以上網打卡 post story。

月費 $338 起，仲唔手軟送埋 24 個月全球旅遊保險，或者「手機更換服務 Lite」。以後去旅行真係可以瀟瀟灑灑，唔使驚跌咗嘢唔見行李，有份燕梳傍身，個心都定好多，一個背囊就搞掂晒。

好在有 3，北上唔見手機，立即借部後備俾你

今次 3 香港唔淨只係出個新 Plan 咁簡單，仲同步推出「好在有 3」呢個新 slogan。佢哋知大家去旅行最怕就係整唔見部電話，所以專登提供備用手機同 SIM 卡，萬一有咩冬瓜豆腐都唔使騰雞。諗下你喺中國大陸唔見電話，成個世界冧咗咁，打個電話就有人送部機嚟，係咪即刻返返嚟人間？簡直係雪中送炭，救你一命！( 暫時只支援中國，遲下會伸展至其他地方）。