Samsung 摺機大反擊 ！ Fold 7 ，Flip 7, 呢一日發佈！仲有一部平價摺機，記住呢日，落訂有著數
Samsung 發佈會 Alert！三星公佈，會係 2025 年 7 月 9 日，係紐約布魯克林舉辦 Unpacked 發佈會，佢哋係咁講
「這個充滿非凡精神與獨特歷史的地方是前瞻思維及透過大膽想法塑造未來的地方，而Samsung將在這個以文化、創意與合作聞名的地方發佈最新且最強大的Galaxy產品。」
佢哋仲講：「隨著人工智能迅速成為全新的用戶界面，我們與科技的關係正在被重新定義。智能手機不再只是應用程式和工具的集合，而是演變成能夠理解用戶想法並作出即時回應的智能夥伴。我們在這項重大科技演變中的角色亦有所轉變，透過結合AI和用戶介面將想法瞬間實現。全新一代的 Galaxy 裝置重新構想由 AI 驅動的嶄新介面，並搭載突破性硬件釋放全部潛能。這個未來即將展開，而Galaxy AI 強大功能與Samsung頂尖工藝的最極致融合亦快將揭曉。」
詳情係乜，佢哋當然唔會講，但單眼佬都知，講緊係摺機 Flip 7, Fold 7, 同埋 Flip 7 SE，即係有款賣得比較平嘅摺機。發佈會將於香港時間7月9日晚上10時正透過http://www.samsung.com/hk 進行直播。
而有網友都收到料，香港應該喺香港時間， 7 月 10 日有得預訂，當然會有早鳥優惠，想搶先買機，又要著數，要留意呢兩個日字。
