三星 Galaxy A36 5G 評測：中階機大作戰！抵用又好玩？
Samsung 推出 2025 年 A 系手機，其中 Galaxy A36 5G，係比較平價，但又有不錯嘅屏幕、電視、相機功能，其中 Awasome AI 係一啲最多人用及最貼地嘅 AI 功能。不過，面對其他對手，呢款手機，又夠唔夠打？而呢部機實唔實用？啱唔啱香港人？我哋一齊拆解下！
設計與外型：細節有待改進
Samsung Galaxy A36 5G 機身尺寸係 162.9×78.2×7.4mm，重量195克，正背都係 Gorilla Glass Victus+，中框用塑膠，望落去無乜嘢大問題，但攞上手會有一陣廉價感。不過，因為屏幕夠靚，同埋手機唔算重，換來有唔錯嘅手機輕巧感覺。顏色選擇夠多：夜光紫、秘境黑、滑雪白、極光綠。我手上嘅綠色，背蓋漸層效係幾好。重量輕，握感舒適，平面邊框設計型格。但鏡頭凸出較明顯，影響平放嘅穩定。屏幕效果屏幕為 6.7 吋 Super AMOLED、FHD+、120Hz、峰值亮度1900尼特，戶外顯示出色。HDR10+ 支援影視體驗佳，但屏幕指紋解鎖速度稍遜，但都叫好用。
特別一提，Samsung Galaxy A36 有 IP67 防水防塵，雖然唔夠有啲同價手機，已支援 IP68/IP69 ，但實際 IP67 嘅防水規格，已經超越生活防水嘅效果。 至於缺點，就係冇 3.5mm 耳機孔、USB-C 充電且不附送充電器，需另購配件。
效能跑分：夠用但唔出眾
Samsung Galaxy A36 5G，用咗 Qualcomm Snapdragon 6 Gen 3（4nm）處理器、有 6GB 及 8GB RAM 版本，而今次試用嘅係 8GB RAM 版本、256GB ROM 用 UFS 2.2 儲存，不支援microSD卡。跑分部份，而 AnTuTu 為例，約 655,200，呢個分數叫中檔級別中等，日常使用順暢但偶然都有 Lag Lag 地。
影相表現：日拍出色、夜拍也 OK
Samsung Galaxy A36 5G 有三個鏡頭，主鏡頭是 5000 萬像素，Samsung 用咗 Sony IMX882 感光元件，好多中階手機都用。呢個鏡頭，支援光學防手震，透過四合一像素，日間拍攝，可以做出細節豐富，色彩還原自然相片，事實上，由試拍嘅相片，的確都有呢個感覺。輔助嘅 800萬超廣角、500萬微距，自拍鏡 1200 萬像素好一般嘅 Galaxy Core 感光元件，效果比較麻麻。總括嚟講，日間拍攝效果清晰自然，但超廣角畫質稍弱，夜拍模式有雜訊明顯，但係手機入面睇，或者只用 Social Media 嘅分享，就無乜所謂。
電量與充電：效果不錯，但無跟快充叉機
Samsung Galaxy A36 5G 有5000mAh 電池，續航力不錯，實測約有 7 小時屏幕使用時間，實際可以做足成日，都唔洗叉電。呢部手機，仲支援 45W快充（30分鐘充至66%），但需另購充電器，對比競爭對手稍遜。
AI 功能：簡單但實用
Samsung Galaxy A36 5G 有 Awesome AI 功能，其中新增「Circle to Search」功能，好似好簡單，但根據 Samsung 香港內部統計，本身都係香港人用家，用得最多嘅手機 AI 功能。其他功能，包 AI 圖片編輯如 Object Eraser、濾鏡建議有效提升使用體驗。系統內建 AI 提示及網站廣東話閱讀內容，都好實用。
市面對手對比比一比
Samsung Galaxy A36 有不少對手，效能方面略遜於使用 Snapdragon 7 系列的 Nothing Phone 3a 及配備更強處理器的 Poco X7 Pro、Vivo V50，尤其係遊戲及高負載應用方面較明顯。但相機嘅夜景拍攝同超廣角細節亦唔及 Vivo V50 出色，充電速度又比 Poco X7 Pro 稍遜色。不過 Galaxy A36 5G 採用最新嘅 One UI 7，帶來更流暢嘅介面體驗、改良咗嘅動畫效果，亦有不少 Samsung 嘅功能，令手機版本更貼心，而且有更長達六年嘅安全及軟件更新支援，呢點係其他品牌提供的中階手機，做唔到嘅地方適合追求穩定、不貪快用戶Samsung Galaxy A36 5G 不突出性能或影相能力，但外型美觀、螢幕優質、AI 功能點到即止但其實好實用，而長期軟件及系統升級更新，是中階市場小見之作。
按呢度有賣價資訊
