華為 2025 最新週邊：HUAWEI FreeArc 耳掛式開放耳機、Band 10 智能手環，Sound Joy 2 藍牙喇叭介紹

華為即日發佈幾款全新手機週邊，包括 HUAWEI FreeArc 耳掛式開放耳機、HUAWEI Band 10 智能手環，仲有 HUAWEI Sound Joy 2 藍牙喇叭。呢幾件產品主打設計時尚、功能智能，完全配合依家都市人忙碌又追求生活品味嘅需求。

HUAWEI FreeArc：開放式耳機新體驗

HUAWEI FreeArc 採用 C 形橋設計，令佩戴更穩固，點郁都唔怕甩，最適合鍾意跑步、行山、踩單車嘅朋友。佢仲有 140° 黃金三角支撐結構，配合輕巧鎳鈦合金材質，長時間戴都唔會唔舒服。音質方面，佢配備 17×12mm 高靈敏度驅動單元，低音震撼、高音清晰，重點係仲有反向聲波系統，確保聲音準確傳入耳道，避免聲音外洩影響其他人。而且，雙麥克風同三重降噪技術，令通話更加清晰，仲支援 400 米超長距離連接，想點用都得！IP57 防水設計，即使運動流汗都唔怕壞。

HUAWEI Band 10：纖薄時尚，健康監測升級

呢款智能手環只有 8.99mm 厚，重量仲輕至 15g，帶出街完全無負擔。錶面有多款設計，仲可以自訂，配合唔同穿搭。健康功能方面，佢支援心率、血氧監測，甚至有專業級睡眠分析，可以實時記錄深度睡眠比例，仲會俾你建議點樣改善瞓眠質素。此外，佢內建情緒健康助手，可以記錄每日情緒變化，仲會提供減壓建議，幫你調整心情。最正嘅係，HUAWEI Band 10 續航力超勁，最長可以用 14 日，快充 5 分鐘就可以用 2 日，完全適合繁忙都市人。

HUAWEI Sound Joy 2：便攜藍牙喇叭，聲浪更強勁

如果你鐘意帶住音樂去旅行、去沙灘開 Party，呢款藍牙喇叭就啱哂你。佢用上 HUAWEI SOUND 四單元系統，低音夠勁，高音夠清，最大音量去到 85dB，足夠覆蓋成個籃球場。HUAWEI Sound Joy 2 仲支援 26 小時續航，一次過聽足成日都唔洗充電，仲有 40W 快充技術，10 分鐘充電已經可以用 1 小時。最勁係，兩部喇叭可以搖一搖即刻變成立體聲，最多仲可以 100 部一齊連接，搞 Party 一流！