華為 Mate XT | Ultimate Design : 香港版本介紹 | 賣點 | 售價
華為在香港推出 Huawei Mate XT | ULTIMATE DESIGN，即係之前被大量談論，史上首部三摺手機。呢部手機最勁嘅地方，就係佢擁有全球首款「三摺疊」屏幕，意思係佢可以摺兩次，但係有三個型態。你可以將佢摺細放入口袋，亦可以完全展開變成一部 10.2 吋大屏幕，完全就係一部迷你平板！
==> 按這裡，有 Video 講解：https://youtu.be/yS9prEU3D40 <==
手機外型 + 屏幕
華為用天工鉸鏈技術，確保手機開合順滑、唔容易損壞，仲保持輕薄設計，最薄位置只有 3.6mm，真係誇張！比起一般雙摺手機，呢個三摺屏幕用起上嚟更加靈活，可以配合唔同需要，例如睇影片、做功課或者打機。除此之外，呢部手機有三種屏幕模式：6.4 吋單屏幕模式、7.9 吋雙屏幕模式、10.2 吋三屏幕模式。你可以按需要自由切換，單手操作、雙屏幕多工、甚至變成一部大平板都冇問題，真正做到一機多用，
設計方面，華為一直都走高級奢華風，呢部機都唔例外。佢嘅相機鏡頭模組用咗八角星鑽設計，再加上超薄素皮材料，摸落去質感好特別，機身仲用咗航天級纖維，增加耐用度。顏色方面有瑞紅同玄黑兩種選擇，紅色引人注意，黑色低調穩重。當然，摺疊屏幕最緊要睇「耐用度」，華為採用多向彎折柔性物料，再加上特大 UTG 玻璃同非牛頓流體材料，確保屏幕夠堅固，摺幾多次都唔會咁易壞，官方仲話佢可以承受二十萬次摺疊！
影相部份
講到影相，華為 Mate XT 採用超光變 X MAGE 影像技術，擁有 10 段可調光圈，仲有潛望式長焦鏡頭，支援 5.5 倍光學變焦，遠景近景都可以影得好清楚。夜晚影相仲有 AI 智能演算技術，令相片更光亮，細節更清楚。
電量部份
電池方面，華為 Mate XT 有 5600mAH 大容量電池，雖然部機夠輕薄，但電量夠撐一日。仲有 66W 有線快充、50W 無線快充，甚至可以 7.5W 反向充電，幫朋友部手機充電都得！另外，華為加入智能省電技術，會根據你用手機嘅習慣調整電量耗損，令續航時間更長。
賣價
最後，講埋香港行貨價錢，華為 Mate XT | ULTIMATE DESIGN 由 2 月 19 號開始預訂，3 月 7 號正式發售，建議零售價港幣 $25488。預購仲送碎屏寶、屏幕保護貼服務，仲可以加 99 蚊， 換購華為 FreeClip 藍牙耳機。留意，華為香港版手機，都不會有 5G 連線，而採用的系統是 EMUI 兼容 Android 程式，不是中國版本的 Harmony OS，當然亦沒有新加入 Deepseek 的小藝 AI 。
