SmarTone 用 5G Advanced 支援香港的國際體育盛事
5.5G，香港媒體成日提，但都係講緊某啲嘅中國版手機。係香港，網絡商唔會用 5.5G 呢個 Terms，會用 5G Advanced。而呢個下一代 5G 網絡，唔係用係你部手機咁膚淺。最新 SmarTone 示範用係支援香港嘅大型國際體盛事，一齊睇下佢哋點部署。
呢幾個月，香港有幾項體育盛事，包括 2024 年「世界運動會香港巡迴賽」、新鴻基地產香港單車節同埋 WBSC 五人制棒球世界盃。 SmarTone 係背後嘅大力支持者，部署 5G-Advanced 網絡。
世界運動會香港巡迴賽 2024
SmarTone 喺西沙 Go Park 建設咗覆蓋整個場地嘅 5G-Advanced 網絡，呢個係 5G 專用網絡嚟，即係專門俾呢個比賽嘅工作人員及儀器使用，加上 Wi-Fi 7 同光纖網絡，確保比賽用嘅瑞士計時記分系統同埋影片重播技術無縫運行。依家比賽唔單止計時更精準，數據處理亦實時進行，而全球觀眾仲可以透過 International Sports Broadcasting (ISB) 將賽事直播至全球51個國家，橫跨五大洲的 211 個電視頻道。
2024 新鴻基地產香港單車節
SmarTone 以 5G 網絡贊助商身份出現，利用高速可靠 5G-Advanced 專用網絡技術，實時傳送賽道各個位置嘅高清影像到控制中心，並且用智能安全管理系統協助識別同解決潛在安全問題，令單車節順利進行。
WBSC 五人制棒球世界盃 2024
呢個第一次喺中環海濱舉行嘅比賽，SmarTone 為場地提供全方位 5G-Advanced 專用網絡覆蓋，都係專門給予大會使用，令運動員同工作人員能夠喺比賽期間保持連接，確保比賽順利進行。
其實，香港網絡商都已部署下一代 5G Advanced 技術，現時主要透過 5G 技術獨有的網絡切片技術，建立供大會及場地使用的專用 5G 網絡，為特定活動，提供近光纖網絡效果嘅超高速及極低時延，提供戶外上網連接。
