又吹風！華為＋中芯國際 Kirin 9 新系列晶片快將面世
華為正積極開發新一代 Kirin 9 系列晶片，據消息透露，呢款處理器雖然維持 Kirin 901 0嘅架構，但喺效能上有顯著嘅進步。
Kirin 9010 升級版
呢款新 Kirin 晶片將會採用同 Kirin 9010 一樣嘅「1+3+4」架構，包含一個高效能核心、三個中效能核心同埋四個低效能核心。雖然架構冇變，但處理器嘅核心運算能力將會強化。呢款新系統晶片，繼續由華為子公司 HiSilicon 研發，並將會用上 7nm Pro Plus 製程技術。
萬年七納米文
雖然係萬年七納米，但華為得到中芯國際嘅協助，唔單止可以提升處理器運算效率，亦可以減低能耗，特別適合智能手機呢類需要高效低耗嘅產品。雖然華為未有透露新 Kirin 晶片嘅具體細節，但傳聞話呢款晶片有機會隨住即將推出嘅 Mate 70 系列旗艦手機一齊發佈。不過，有關呢啲手機嘅資訊仍然比較神秘，市場傳聞佢哋最快下個月登場。
